Evento: De aquí para alá

De aquí para alá! é un espectáculo para público infantil e xuvenil interpretado por actores e músicos profesionais, dirixidos por Lydia Botana.

Sinopse: É a historia dunha bolboreta que nace grazas ao son dos instrumentos musicais. Os participantes viaxan ao redor do mundo aprendendo, escoitando e cantando as músicas de cada lugar, facendo partícipe ao público na procura de novos sons. Tócase o piano, a marimba, a batería, o acordeón, os bongoes, as campás... E tamén instrumentos típicos de cada lugar coma a kalimba, o didgeridoo, as cunchas... xunto con un variado set de pequena percusión como pandeiretas, pao de choiva, e un sinfín de cacharradas que espertarán a curiosidade do público. Visitarase O Brasil, Cuba, Xamaica, os Balcáns, Os Estados Unidos,... rematando en Galicia. Pequenos e maiores poden ir de aquí para alá cantando os retrousos máis fermosos.

Esta programación pode sufrir modificacións. Confirmar datas e horarios nos espazos onde se representa: Cine Alovi