Evento: Banda deseñada autobiográfica feita por mulleres

O 8 de marzo celebramos o Día da Muller e o 17 de marzo o Día Do Cómic. Unimos ambas conmemoracións con esta mostra que é unha selección de cómics da nosa colección realizados por mulleres que falan das súas propias experiencias.

A autobiografía en banda deseñada é un xénero que goza de moi boa saúde. Podemos definila como a búsqueda da identidade na que as autoras exploran recordos e momentos de intimidade ao tempo que analizan o contexto político e social no que viven. Tamén como unha forma de liberación, como terapia, reflexión e fonte de autocoñecemento.

Trátase dun xénero que limita entre ficción e realidade e que ten moita relación co xornalismo. En moitas ocasións trátase soamente dun pretexto para falar do mundo que nos rodea.. O crecente éxito do xénero impactou o mundo editorial. A banda deseñada autobiográfica feita por mulleres consta de elementos que podemos considerar dentro das teorías feministas, o corpo, a loita contra formas de dominación do sistema patriarcal, as relacións cos homes, a experiencia da violencia machista e a exposición da intimidade. Pode visitarse do 4 de marzo ao 13 de abril no andar baixo (zona hemeroteca)

Esta mostra está inspirada en:

• Escobar Fuentes, S. (2020). La novela gráfica autobiográfica hecha por mujeres. Cuerpo, subjetividad y búsqueda identitaria. Revista Fuentes Humanísticas, 32(60). https://doi.org/10.24275/uam/azc/dcsh/fh/2020v32n60/Escobar
• Perdona, estoy hablando exposición dedicada ao cómic autobiográfico feito por mulleres, celebrado en CentroCentro do 29 de marzo ao 23 de xullo de 2023, comisariada por Tevi de la Torre, Teresa Ferreiro Peleteiro e Roberta Vázquez. https://www.centrocentro.org/exposicion/perdona-estoy-hablando