Evento: As laranxas máis laranxas de todas as laranxas

O Centro Dramático Galego (CDG) estrea unha nova versión de As laranxas máis laranxas de todas as laranxas, da man do director luso-brasileiro José Caldas.

Escrita nun único acto e localizada no ambiente rural galego, a historia comeza co nacemento de cinco laranxas xigantes e moi estrañas no limoeiro da horta da casa de Elías e Anxa. Unha delas estoura cando o amo da casa a toca. Co estrondo do estoupido acoden os veciños, e a partir de entón comezan a ocorrer anécdotas insólitas, ilóxicas, mesmo disparatadas, absurdas, pero divertidas, protagonizadas polo donos da horta, o Veciño da Escopeta, o Gordo ou Toneladitas, a Veciña Sabida, a Desdentada, o Ovo ou a galiña Petra.

As funcións matinais do CDG nesta xira están programadas para os escolares.
As funcións escolares do mes de decembro no Salón de Teatro en Santiago poden reservarse neste teléfono: 981 581 111 ext. 11