• Contacto
• Mapa web
• Accesibilidade
• The Galician Culture
• La Cultura Gallega

Noticias: PATRIMONIO MARIÑEIRO

Cultura e Turismo incluirá a carpintería de Ribeira de Bueu no Inventario Xeral do Patrimonio Cultural

[25/02/2011] A Dirección Xeral do Patrimonio Cultural catalogará o estaleiro de Purro pola súa importancia histórica e o seu interese científico, cultural e social.

Santiago.- A Consellería de Cultura e Turismo, a través da Dirección Xeral do Patrimonio Cultural, incoará o procedemento de inclusión do estaleiro ou carpintería de ribeira de Purro, en Bueu, no Inventario Xeral do Patrimonio Cultural de Galicia. Esta catalogación protexerá un antigo estaleiro que é único en Galicia, e a súa recuperación e posta en valor será unha oferta complementaria moi importante para o Museo Massó e un atractivo turístico para a vila.

A Dirección Xeral do Patrimonio Cultural decidiu inventariar este ben pola súa importancia histórica e o seu interese científico, cultural e social. Esta instalación conserva a súa estrutura e materiais orixinais, testemuño dun prototipo de arquitectura popular característica das comunidades mariñeiras e practicamente desaparecida no conxunto de Galicia. Esta decisión ven respaldada por un informe técnico da Delegación Provincial de Pontevedra e outro da dirección do Museo Massó, así como os varios comunicados de diversos colectivos locais apoiando a catalogación.

Unha vez iniciado o trámite de inclusión no inventario xeral establecerase un área de protección de 50 metros dende os elementos máis exteriores. Ademais, ordenarase unha anotación preventiva no inventario xeral e se abrirá un período de información pública durante vinte días a partir da súa publicación no Diario Oficial de Galicia no que se poderán achegar as alegacións e informacións oportunas. Do mesmo xeito, estableceranse medidas cautelares provisionais para garantir a súa seguridade e evitar o deterioro do conxunto da carpintería.

O Estaleiro de Purro está intimamente ligado á memoria colectiva de Bueu e a súa existencia está vinculada á actividade pesqueira. O seu principal valor descansa no feito de que é a última testemuña que queda na zona dunha actividade que dominou as costas galegas e que hoxe está en vías de extinción. Debemos ter en conta é que das 100 carpintarías de ribeira que chegaron a estar establecidas na Ría de Pontevedra, a de Bueu é a única que sobreviviu, o que acrecenta o seu carácter emblemático. Tamén é importante o feito de que conserva a súa estrutura e materiais orixinais, testemuño dun prototipo de arquitectura popular característica das comunidades mariñeiras que de non protexerse corre un serio risco de desaparecer.

Transmisión do patrimonio cultural mariñeiro
O Museo Massó potenciará esta antiga carpintaría de ribeira incorporándoa como un centro anexo a súas instalacións, co obxectivo de que na sede do Museo estea o discurso expositivo centrado na fabrica de conservas e no anexo do antigo estaleiro aquelas actividades que mostran a relación directa do home co mar. Poderase expoñer e interpretar a colección de ferramentas de carpintería de ribeira e as embarcacións tradicionais no seu contexto orixinal, así como realizar actividades didácticas con escolares. Coa interpretación deste ben os visitantes poderán coñecer como é unha carpintería de ribeira onde se construían as embarcacións de pesca tradicionais, como se fan as bateas e as redes, uns recurso mariños característicos das Rías Baixas.

O novo museo non pretenderá só recordar, documentar, conservar e investigar o pasado, senón que tamén intentará confrontalo co presente, de maneira que a conservación do patrimonio leve, necesariamente, ao desenvolvemento sostible da comunidade. O Museo Massó asumirá o papel de eixe vertebrador dos recursos turísticos do territorio e constituirá un referente de comunidade marítima capaz de velar polo patrimonio cultural e de velar pola conservación e transmisión de valores ás xeracións futuras.

A carpintería de ribeira de Banda do Río
O coñecido como estaleiro ou carpintaría de Purro, na Banda do Río de Bueu, foi creado non ano 1920 a partires dunha concesión administrativa para a ocupación dun espazo público. A elección desta situación para ou obradoiro non é casual pois nesta parte de Bueu dábanse ás condicións idóneas: un ámbito xeográfico con boa subministración de materias primas, boas comunicacións por estar non centro dá vila, unha praia abrigada que facilitaba facer ás botaduras con seguridade e proximidade a desembocadura do río Bispo para o curado dá madeira no seu canle.

Na actualidade a carpintaría de ribeira de Banda do Río funciona como obradoiro de reparación e construción das embarcacións tradicionais da asociación ‘Amigos dás Embarcacións Tradicionais Os Galos’. Esta asociación vén desenvolvendo dende hai anos un amplo programa de actividades dentro do ámbito das embarcacións tradicionais, e a súa flota é solicitada cada ano por diversos concellos da bisbarra para a realización de actividades culturais e deportivas. Ademais, poñen a disposición do público un servizo de rutas pola ría nas súas embarcacións. Dende hai uns meses atrás, o Museo Massó incorporou ao seu itinerario de visitas guiadas a visita ao Estaleiro de Purro e ao peirao no que se encontran as embarcacións tradicionais construídas no devandito estaleiro.