• Contacto
• Mapa web
• Accesibilidade
• The Galician Culture
• La Cultura Gallega

mércores 23 de maio 2012

AGADIC

IX Festival de Cans

[23/05/2012 17:30 - 27/05/2012 05:00] Novena edición do Festival de Cans, que se celebra desde o 23 ata o 26 de maio no concello do Porriño.

Inclúe catro días de programación con curtas, longametraxes, imaxes inéditas, xéneros novos (web series, cine mudo etc.) e máis de 20 actuacións musicais de todos os estilos.

No musical, destaca o especial Aerolíneas Federales e a presentación do novo disco de Xoel López.

En canto aos nomes propios, Isabel Coixet, Antón Reixa, Sandra Sánchez, Ángel de la Cruz, Morris, Chete Lera, Celso Bugallo ou Mabel Rivera.

Documentos

• Dossier do festival 

CGAC

Seminario Canles Alternativas de creación

[23/05/2012 16:30 - 25/05/2012 18:30] Desenvólvese no marco do proxecto de investigación Canles alternativas de creación experimental. O eixo atlántico (1975-2012), e é resultado da colaboración entre o grupo de investigación Arte e Estética Contemporáneas, da Universidade de Santiago de Compostela, e o Centro Galego de Arte Contemporánea.

O seu obxectivo é indagar nas propostas alternativas que se desenvolveron en Galicia e no norte de Portugal dende os anos setenta ata a actualidade.

Este foro está destinado a estudantes, profesionais e persoas interesadas nos ámbitos da creación artística, a historia da arte e a xestión cultural.

As solicitudes para asistir pódense presentar na recepción do CGAC, chamando aos teléfonos do Servizo de Actividades e Proxectos Educativos ou ben a través do correo electrónico cgac.actividades@xunta.es.

SALÓN TEATRO

XIII Mostra de Teatro Universitario de Galicia

[21/05/2012 21:30 - 30/05/2012 21:30] Organizada pola Aula de Teatro da Universidade de Santiago de Compostela, amosa os últimos traballos escénicos das diferentes compañías universitarias galegas.

O Centro Dramático Galego (CDG) repite como sede principal desta mostra e, xunto co Teatro Principal e a Sala de Teatro Roberto Vidal Bolaño do Campus Sur, ofrece un amplo programa configurado polos traballos escénicos que as diversas compañías da USC, ademais das convidadas das universidades de Vigo e da Coruña, estiveron preparando durante este curso académico.

Todos os espectáculos dan comezo ás 21.00 horas. As entradas para asistir ás súas representacións no Salón Teatro son de balde, previo paso polo despacho de billetes, que permanecerá aberto desde as 19.30 horas.

Ligazóns

• Consulta o programa 

Exposición na Casa da Parra

Exposición 'Confluencias Jaime Quessada / Xaime Quesada Blanco' en Santiago

[12/04/2012 11:00 - 02/09/2012 14:00] Diálogo simbólico entre a obra pictórica de Jaime Quessada (1937-2007) e a do seu fillo, Xaime Quesada Blanco (1975-2006), ao tempo que propón unha reflexión sobre os puntos de encontro entre ambas producións.

Organiza a Consellería de Cultura, Educación e Ordenación Universitaria, a través da Agadic e en colaboración coa Fundación Xaime Quesada Blanco de Ourense.

Horario: De martes a sábado, de 11.00 a 14.00 h e de 16.30 a 20.00 horas; Domingos, de 11.00 a 14.00 horas; Pecha os luns e festivos.

PINTURAS DE RAFEL G. BIANCHI

Rafel G. Bianchi presenta "La bandera en la cima"

[30/03/2012 11:00 - 24/06/2012 20:00] Representación da obra pictórica de Rafel G. Bianchi que nos mostra o alpinismo dende un enfoque artístico. Podemos disfrutar da súa obra no Centro Galego de Arte Contemporánea (CGAC) ata o 24 de Xuño.

La bandera en la cima é a primeira presentación completa do proxecto que Rafel G. Bianchi iniciou en 2007: pintar de xeito pormenorizado as catorce montañas máis altas do mundo, os catorce oitomiles. Unha xesta que no ámbito do alpinismo está cargada de heroicidade e que na súa repetición como proxecto artístico delata o papel do artista embarcado nunha tarefa absurda.

| 1 | 2